PREGUNTAS DE INTERESE SOBRE AS UNIDADES DE XESTIÓN
FORESTAL (UXFOR)
1. A Uxfor,
é un xeito de expropiar a terra? 
En ningún caso se fará ningunha expropiación. A creación dunha Uxfor non implica unha expropiación.
Os propietarios seguen a manter a súa propiedade.
2. Poderei vender as parcelas incluídas nunha Uxfor?Cada membro mantén a propiedade, polo que é libre de vender, mercar, partir ou facer calquera outro negocio sobre ela respectando o previsto na lexislación ao respecto.
O novo titular adquire tamén os dereitos e obrigas que esta parcela ten dentro da Uxfor.
3. Podemos pornos de acordo para unificar cadaquén as súas parcelas noutra máis grande?A propiedade mantense, polo que poden facer calquera permuta ou cambio, para unificar as súas parcelas, dependendo da vontade dos propietarios.
Os cambios de titularidade das parcelas deben ser notificados á entidade de xestión da Uxfor.