PREGUNTAS DE INTERESE SOBRE AS UNIDADES DE XESTIÓN FORESTAL (UXFOR)
1. Podemos adiantar dalgún xeito as rendas que nos dá o monte? Subir

Ao estar no seo dunha Uxfor, os propietarios contan cunha ferramenta de planificación e xestión que ofrece estabilidade cara ao futuro, o que axudará a poder chegar a acordos con empresas do sector e entidades de investimento e crédito, para poder adiantar as rendas de acordo a unha produción futura.

2. Como se financia unha Uxfor? Subir

O peto común é o instrumento de financiamento da Uxfor. A xunta reitora da Uxfor constituirá un peto común para financiar as accións da Uxfor na execución dos plans e no desenvolvemento dos seus obxectivos.

Os ingresos do peto común procederán:

  1. Das cotas das persoas propietarias acordadas consonte co procedemento previsto nos estatutos.
  2. Dunha porcentaxe dos beneficios obtidos nas actividades desenvolvidas no seo da Uxfor, segundo o disposto e ao abeiro dos seus estatutos.
  3. Dos beneficios derivados da xestión de terreos de propiedade descoñecida incluídos na Uxfor.
  4. Dos ingresos procedentes de convenios ou contratos subscritos con entidades públicas ou privadas.
  5. Subvencións e outros ingresos e achegas de dereito público que poida percibir consonte a dereito.
  6. Doazóns, legados, herdanzas e outros ingresos e achegas de dereito privado que poida recibir consonte dereito.